Ayuntamiento de Santiago de Compostela

Saltar a los contenidos
Utilidades (Saltar):

Idiomas (Saltar):



Portada » Noticias » Agenda
Compartir:

Agenda
Miércoles 27 de abril 2016

Axenda

Exposición de Nolo Suárez no Centro Sociocultural de Conxo

O Centro Sociocultural de Conxo acolle a exposición Tempos cambiantes, do pintor compostelán Nolo Suárez. O título da mostra fai referencia a unha serie de cambios que se están a producir nos últimos tempos, uns que afectan á natureza e o noso entorno, e outros que nos afectan como persoas e como sociedade.

[27/04/2016 10:00] Do 1 ao 30 de abril no Centro Sociocultural de Conxo.


Axenda

x

"Real Filharmonía de Galicia. 20 anos contigo", dobre mostra na Casa do Cabido e no Auditorio de Galicia

Baixo o título Real Filharmonía de Galicia. 20 anos contigo, o Consorcio de Santiago, organismo que xestiona a RFG, promove dúas exposicións conmemorativas dos vinte anos de traxectoria da orquestra, unha na Casa do Cabido e outra no Auditorio de Galicia.

A exposición da Casa do Cabido divídese en cinco escenarios diferentes. Na entreplanta proxéctanse vídeos antigos da Real Filharmonía de Galicia, ao tempo que se escoita a música do CD que se editou en 2006 con motivo do 10º aniversario da orquestra. Hai un espazo habilitado con sillas para os que desexen gozar da música de xeito repousado.

Outro dos espazos está dedicado aos primeiros concertos da RFG e nel recóllense fotografías históricas da orquestra, que pertencen ao Arquivo do Auditorio de Galicia. Noutro destácanse instantáneas dos escenarios máis importantes nos que actuou, entre eles o Teatro Nacional, o Palau de la Música Catalana, o Palacio Euskalduna de Bilbao, a Praza da Quintana ou a Cidade da Cultura, entre outros.

As salas superiores están centradas na orquestra na actualidade, a través de dúas reportaxes fotográficas, unha do fotógrafo Xaime Cortizo e outra do músico Luís Soto, frautista da RFG dende a súa creación, moi afeccionado á fotografía e que ten ilustrado os grandes momentos da orquestra. A reportaxe de Soto aporta a nota máis "moderna" á exposición, cunha selección dos milleiros de instantáneas que ten da RFG. Ademais, pode verse o primeiro traxe que vestían as compoñentes femininas da orquestra fai vinte anos.

No Auditorio de Galicia exhíbense preto de 20 fotografías de Luís Soto a gran tamaño. Estas imaxes reflicten a época máis actual da agrupación.

[27/04/2016 23:00] A exposición da Casa do Cabido poderá percorrerse ata mediados de abril, de martes a sábado de 10:00 a 14:00 e de 16:00 a 20:00 horas e os domingos de 11:00 a 14:00 horas. Os luns o museo permanece pechado. Pola súa parte, a mostra do Auditorio de Galicia pode visitarse ata o final da temporada da orquestra, no mes de xuño, de luns a domingo, de 10:00 a 14:00 e de 16:00 a 20:00 horas.

Máis información: Compostela Capital Cultural


Axenda

x

Mostra do Noveno Premio Auditorio de Galicia para Novos Artistas

Novena edición do Premio Auditorio de Galicia, unha convocatoria que testa a creación emerxente en Galicia achegándonos ás diferentes disciplinas nas que se moven os creadores, pintura, escultura, fotografía, performance, vídeo, instalacións. Foron cento trece os dossieres presentados e son coarenta os artistas que forman parte desta exposición.

[27/04/2016 23:00] Do 11 de marzo ao 18 de setembro, no Auditorio de Galicia.

Máis información: Compostela Capital Cultural


Axenda

x

"[sic]", proxecto de Joan Morera Arbones, na Zona C

María Marco Covelo comisaria "" de Joan Morera Arbones, a segunda das intervencións seleccionadas na modalidade de proxectos de comisariado e dentro da convocatoria de apoio á creación en artes visuais e que dan forma á programación da Zona "C", espazo multidisciplinar dependente da Concellaría de Acción Cultural de Santiago de Compostela.

[27/04/2016 23:00] Do 13 de abril ao 22 de maio, na Zona C, en Bonaval.

Máis información: Compostela Capital Cultural


Axenda

x

"Airiños Aires, Rosalía", exposición fotográfica de Xurxo Lobato na Casa do Cabido

Airiños Aires, Rosalía é unha exposición de instantáneas na que o fotógrafo galego Xurxo Lobato rende homenaxe a Rosalía de Castro. Reúne un total de 50 imaxes en branco e negro, en gran formato (100 x 70 cm), acompañadas na súa maioría por fragmentos de poemas de Rosalía.

A mostra representa unha viaxe con Rosalía de Castro a través da singular ollada de Xurxo Lobato. As imaxes amosan os referentes espaciais máis relevantes da biografía da autora, xunto con aqueles que tan intensamente poetizou.

[27/04/2016 23:00] Na Casa do Cabido, ata finais do mes de xuño. Poderá visitarse no horario habitual, de martes a sábado de 10:00 a 14:00 e de 17:00 a 21:00 horas; e os domingos de 11:00 a 14:00 horas. Os luns a Casa do Cabido está pechada ao público.



Enviar | Imprimir | Arriba

© Ayuntamiento de Santiago. Pazo de Raxoi. Praza do Obradoiro. Tel.: 981 542 300 (Centralita) 981 542 357 (Alcaldía)