Mércores 9 de maio 2012

Axenda

Chema Madoz: "Ars Combinatoria"

O Auditorio de Galicia acolle a exposición Ars Combinatoria, de Chema Madoz. A mostra fotográfica está comisariada por Oliva María Rubio e producida por La Fábrica.

Ata o 24 de xuño, no Auditorio de Galicia.

Máis información: Compostela Capital Cultural

Axenda

"Compostella dicitur. A cidade da Catedral. Santiago en 1211"

Compostella dicitur. A cidade da Catedral é o nome da exposición que inaugura o uso público da Casa do Cabido, un dos mellores edificios barrocos de Santiago. A exposición, relacionada co oitavo centenario da consagración da Catedral de Santiago, está ideada coma unha viaxe ao ano 1211, ano da consagración da basílica xacobea.

Ata o 30 de xuño, na Casa do Cabildo.

Máis información: Compostela Capital Cultural

Axenda

Curtocircuíto

A IX edición do Festival Internacional de Curtametraxes, Curtocircuíto, celebra a súa semana oficial. Ademais das proxeccións dos cinco concursos diferentes, conta con actividades paralelas como obradoiros, mesas redondas, clases maxistrais, temáticas específicas, curtas para cativos e unha ampla oferta musical. Este ano recibíronse 2.645 curtametraxes chegadas de 91 países e o país convidado é Romanía.

Do 2 ao 12 de maio, en diversos espazos da cidade.

Axenda

Celebración do Día de Europa no CSC de Vite

Con motivo do Ano Europeo do Envellecemento Activo e a Solidariedade Interxeneracional, o Equipo de Dinamización Urbana Santiago Norte-SS.SS, coa colaboración do Centro Socicultural José Saramago de Vite, desenvolverá unha actividade interxeracional baixo o título Facemos Europa. A acción consistirá na elaboración e degustación de doces decorados polos e polas propias participantes coas bandeiras da Unión Europea e dos países que conforman a Unión.

A sesión permitirá a maiores e rapaces do barrio interactuar e aprender mutuamente dos seus traballos e experiencias.

O mércores 9 de maio, ás 19:00 horas, no Centro Sociocultural José Saramago de Vite.

Axenda

Fasenuova en concerto

Nova entrega do ciclo de concertos Compostela Rock, desta vez cos asturianos Fasenuova.

O mércores 9 de maio, ás 22:00 horas, na Zona "C".

Compartir: