Domingo 4 de diciembre 2016

Axenda

"Semente, 15 anos apoiando a arte emerxente"

Os comisarios Ángel Cerviño e Alberto González-Alegre revisan nunha exposición as nove edicións do Premio Auditorio de Galicia para novos artistas.

Do 11 de outubro ao 26 de febreiro, no Auditorio de Galicia.

Axenda

Exposición de instantáneas en 3D "Compostela, a Terceira Dimensión" na Casa do Cabido

Baixo o título Compostela, a Terceira Dimensión, o Consorcio de Santiago promove unha exposición de instantáneas en 3D da cidade de Santiago do estereógrafo coruñés Enrique Criado. Esta mostra reúne un total de 35 imaxes representativas do casco histórico compostelán, en particular da Catedral -como final do Camiño- e da súa contorna.

Ata finais de novembro, na Casa do Cabido.

Axenda

Exposición: "Historia do comercio compostelán"

Exposición organizada polo Concello de Santiago sobre o comercio da cidade e os seus establecementos máis emblemáticos.

Ata o 4 de decembro, no Centro Abanca Obra Social.

Axenda

Programación infantil con Apego

O Concello de Santiago unifica toda a súa programación infantil, utilizando o idioma como elemento de conexión.

Durante o outono, en varios espazos da cidade.

Axenda

IX Concurso Santiago(é)tapas

Todos os amantes da boa cociña poden gozar do IX Concurso Santiago(é)tapas, iniciativa que promove a nosa gastronomía a través destes pequenos pero exquisitos pratos.

Do 17 de novembro ao 4 de decembro, en diversos establecementos hostaleiros da cidade.

Axenda

Do pasodobre español á danza eslava coa Banda Municipal

A Banda Municipal de Música de Santiago terá unha nova cita cos composteláns e visitantes que queiran escoitar obras coma o Capricho español de Rimsky-Korsakov, Danzas de Galante de Kodaly ou o Capricho italiano de Tchaikovsky, entre outras.

O domingo 4 de decembro, ás 12:00 horas, no Teatro Principal.

Axenda

"12 doces do outono" nos CSC

Proposta familiar para os centros socioculturais na que a repostería do outono se une a diversas representacións escénicas.

Os domingos 13, 20 e 27 de novembro e 4 de decembro, con sesións ás 12:30 e 18:00 horas, en 12 centros socioculturais.

Axenda

"The observation of trifles", de Carlos Alba, na Zona C

Carlos Alba toma obxectos que atopa nas rúas e utilízaos como unha especie de arqueoloxía visual. A combinación de obxectos con fotografías chega ao espectador dunha maneira física e envolta en misterio.

Ata o 22 de xaneiro, na Zona C de Bonaval.

Axenda

"A nena que quería navegar", por Redrum Teatro

A Nena está farta de ser o centro das mofas dos seus compañeiros, e por iso foxe da escola coa intención de non volver nunca máis. Na súa aventura topará co Xeadeiro, un ser máxico e vital, que a base de contos, adiviñanzas, xogos e cancións, devolveralle a autoestima perdida. Ensinaralle que dentro de cada un de nós agóchase un ser máxico, único e especial, e que só crendo nas nosas capacidades seremos quen de acadar todo o que nos propoñamos.

O sábado 3 e o domingo 4 de decembro, ás 18:30 horas, no Auditorio de Galicia.

Compartir: