Agenda

As 44 fotografías dos arquivos de Turismo de Santiago e do Tanabe City Kumano Tourism Bureau amosan os puntos comúns destas dúas peregrinacións milenarias.

Do 30 de outubro de 2013 ao 11 de abril de 2014, no Museo das Peregrinacións e de Santiago.

A Real Filharmonía de Galicia e os títeres do grupo Per Poc interpretan Pedro e o lobo, de Sergei Prokofiev. Neste conto sinfónico cada personaxe está representado por un instrumento e unha melodía característica. Un espectáculo de marionetas de fío onde os personaxes foron deseñados pola ilustradora Roser Capdevila.

O xoves 20 e o venres 21 de febreiro, ás 11:00 horas, no Auditorio de Galicia.

Máis información: Compostela Capital Cultural

Exponse na Fundación Novacaixagalicia Maside en Compostela. O testamento pictórico do mestre, un proxecto no que colaboran o Concello de Santiago, a familia de Carlos Maside e a devandita Fundación. A través de 31 obras de diversas temáticas, e realizadas con diferentes técnicas que van dende o óleo ata a acuarela, pasando pola tinta china sobre pergameo, o proxecto expositivo presenta un percorrido pola obra e vida deste artista de traxectoria singular que se converteu no principal referente ideolóxico da xeración dos renovadores.

Ata o 31 agosto de 2015, en horario de luns a domingo de 12:00 a 14:00 e de 17:00 a 21:00 horas, no Centro Cultural da Fundación Novacaixagalicia.

Mónica de Nut e Borja Fernández constrúen unha versión libre do mito de Barba Azul partindo do libreto que escribiu o poeta húngaro Bela Bálasz para unha ópera de Bartok no ano 1918. Barba Azul é un mito clásico da tradición europea, reinterpretado en múltiples ocasións, na linguaxe das artes literarias, escénicas e cinematográficas.

Os días 20, 21 e 22 de febreiro, ás 20:30 horas, e o día 23 ás 19:30 horas, na Zona C.

Os días 27, 28 de febreiro e 1 de marzo, ás 20:30 horas, e o día 2 de marzo ás 19:30 horas, na Zona C.

Máis información: Compostela Capital Cultural

Si e non é a terceira das cinco pezas que compoñen Curriculum Vitae (unha comedia sobre entrevistas de traballo que se representará no Teatro Principal o 8 de marzo) na que o público é complice da conversa entre un mozo DJ con poucas ganas de traballar e unha experimentada funcionaria que estará disposta ao que sexa por atoparlle un posto ao fillo dunha amiga.

Os días 20, 21 e 22 de febreiro, ás 20:30 horas, en A Regadeira de Adela.

Máis información: Compostela Capital Cultural

O pianista francés David Kadouch interpretará obras de Janácek, Bartók e Chopin dentro do Ciclo de Piano Ángel Brage.

O xoves 20 de febreiro, ás 21:00 horas, no Auditorio de Galicia.

Máis información: Compostela Capital Cultural

Nado no norte de Chicago en 1958, Boney Fields medra nun ambiente familiar onde a música é primordial en todos os sentidos. O experimentado, dinámico e viaxeiro Boney Fields compartiu escenarios de Estados Unidos e de todo o mundo con grandes artistas como Jimmy Johnson, Albert Collins, Buddy Gay, Junior Wells, AC Reed, Eddie Clearwater, James Cotton, Luther Allison, Kenny Neal, etc.

O xoves 20 de febreiro, ás 21:30 horas, na Sala Capitol.

Máis información: Compostela Capital Cultural