Agenda

Un total de 218 actividades conforman o groso do programa de Nadal deste 2015, con accións na cidade, nos barrios e nas parroquias pensadas para todos os públicos.

Durante as datas de Nadal en diversos espazos.

• Toda a programación do Nadal

O Museo Centro Gaiás acolle ata marzo de 2016 a mostra José Suárez. Un ollos vivos que pensan, a maior exposición realizada ata o de agora sobre un dos grandes nomes da fotografía do século XX, amosando todas as súas series, así como obxectos persoais e documentos da época.

Ata o 27 de marzo, no Museo Centro Gaiás.

Baixo o título Unha ollada ao pasado, o Consorcio de Santiago, en colaboración co Museo do Pobo Galego, exhibe unha exposición de postais antigas da cidade do coleccionista compostelán Uxío de la Riva Pol, que as deposita no Museo do Pobo Galego en 1988. No seu conxunto son máis dun milleiro de postais, das cales se seleccionaron unhas 270.

Na Casa do Cabido, ata mediados de febreiro de 2016. A mostra pode visitarse no horario habitual, de martes a sábado de 10:00 a 14:00 e de 16:00 a 20:00 horas; e os domingos de 11:00 a 14:00 horas.

O Pazo de Xelmírez, situado anexo á Catedral, é sede da exposición Un novo tempo para a Catedral de Santiago, ideada para difundir de xeito didáctico os traballos de restauración e recuperación que se están a desenvolver no conxunto catedralicio, en especial na fachada do Obradoiro. A mostra está organizada pola Fundación Catedral de Santiago e a Fundación Pecsa e ocupa diversos espazos de época medieval do Pazo de Xelmírez, entre eles a coñecida como Sala Manrique.

Ata o 31 de xaneiro de 2016, no Pazo de Xelmírez. O acceso á exposición realízase coa entrada do Museo Catedral de Santiago, en calquera das súas modalidades.

Benvidas e benvidos ao souto dos prodixios, o lugar máis máxico do mundo enteiro. Nada é imposible baixo os castiñeiros: Os ourizos falan en varios idiomas, os raposos cantan ópera lixeira, os coellos bailan claqué e muiñeira, os sapos compoñen poesías que riman e os osos fan punto de cruz nas silveiras. Temos xirasois que durmen de día hai fentos xigantes que suben á lúa e estrugas que non pican se chiscas o ollo e flores de toxo que sorrín todo o día.

O domingo 27 de decembro, ás 18:30 horas, no Teatro Principal.

Máis información: Compostela Capital Cultural

Cantigas e Agarimos estrea na súa cidade o seu novo espectáculo, Balbino. Cun reparto de 90 artistas, Cantigas tentará amosar como era a sociedade galega dos anos 30 no seu ambito mais rural.

O domingo 27 de decembro, ás 20:00 horas, no Auditorio de Galicia.

Máis información: Compostela Capital Cultural