Intervención. Fiscalización e contabilidade
Galeras, 5- 3º andarTel.: 981 542 319 /
Horario: De luns a venres (agás festivos), de 9:00 a 14:00 h.
- Fiscalización
- Contabilidade
A función de contabilidade comprende o desenvolvemento da contabilidade financeira e de seguimento da execución orzamentaria segundo as normas xerais e as súas normas propias. Tamén lle corresponde a inspección da contabilidade dos organismos autónomos e das sociedades mercantís dependentes da entidade local.
A función de control interno da xestión económica municipal, incluída a dos organismos autónomos e das sociedades mercantís dependentes, desenvólvese mediante a función interventora, de control financeiro e de control de eficacia.
No exercicio da función, Intervención fiscaliza os actos que dan lugar ao recoñecemento e liquidación de dereitos e obrigas, os ingresos e pagos, e á recadación, investimento e aplicación dos fondos públicos para que se axusten á normativa aplicable.
No exercicio da función de control financeiro comproba o funcionamento no aspecto económico-financeiro dos servizos municipais, dos seus organismos autónomos e das sociedade mercantís dependentes, mediante o sistema de auditoría, para informar sobre a adecuada presentación da información financeira e o cumprimento das normas.
O control de eficacia comproba periodicamente o grao de cumprimento dos obxectivos, a análise do custe de funcionamento e o rendemento dos servizos e investimentos.
Concellarías
Enlaces
Noticias
- Este luns entra en vigor o orzamento xeral do Concello de Santiago, publicado hoxe no BOP 03/04/2020
- O Goberno local presenta un orzamento de case 117 millóns de euros para 2020, con importantes subas en gasto social e investimento 14/01/2020
- O Pleno debaterá este mércores a aprobación de tres modificativos de crédito por importe de 814.206 euros 08/04/2019