Fiestas del Apóstolo 2010

Xa está case todo listo para os Fogos do Apóstolo, que comezarán ás 23:30 horas do 24 de xullo dende o Obradoiro. A organización distribuirá entre os presentes na praza unha guía para seguir o espectáculo. Do 25 ao 30 de xullo haberá réplicas do espectáculo dende a praza do Obradoiro e o sábado 31 os fogos de fin de festa dende a escalinata do Campus Vida.

O concelleiro de Festas, Xosé Baqueiro; a presidenta da Asociación do Traxe Galego, Rita Miramontes e o director de relacións externas de El Corte Inglés en Galicia, José Antonio Blanco, presentaron tamén en rolda de prensa a XXXII edición do Día do Traxe Galego que se celebrará dentro do marco das festas do Apóstolo o sábado 31 de xullo.

O concelleiro de Festas, Xosé Baqueiro; o xerente do Consorcio de Santiago, Xosé Manuel Villanueva; o xerente do Xacobeo, Ignacio Santos; e responsables da Pirotecnia Caballer, Pepe Bravo –xefe de Produción– e Ernesto López –xefe de Operacións– presentaron na sede do Consorcio o espectáculo pirotécnico das Festas do Apóstolo do sábado 24 e as réplicas consecutivas que se farán entre o 25 e o 31 de xullo. En total serán oito días de fogos.

Para a xornada do xoves 22, as festas do Apóstolo reservan o espectáculo Carmen, de Bizet, da Compañía de Danza Española Aída Gómez. Será a partir das 22:30 horas na praza da Quintana.

O concelleiro de Festas, Xosé Baqueiro, acompañado polo xerente de Xestión do Plan Xacobeo, Ignacio Santos, presentou no Teatro Principal o espectáculo Tradicción, da compañía Nova Galega de Danza, que se poderá ver o mércores 21, a partir das 23:00 horas, na praza da Quintana. No acto tamén estiveron presentes os directores artísticos da compañía, Jaime Pablo Díaz e Vicente Colomer, e o seu director musical, Pedro Lamas. Esta actividade cultural e de ocio está patrocinada polo...

As Festas do Apóstolo continuaron coa celebración do XXXV Concurso de pesca de ciprínidos, coñecido máis popularmente como a Festa do Escalo de Chaián. O concurso fíxose por categorías –infantil, xuvenil, damas e senior– e por equipos de catro deportistas ou individual.

As Festas do Apóstolo comezaron esta noite co pregón a cargo de Yolanda Castaño e Jorge Mira, que deu paso ao concerto gratuíto do asturiano Melendi. Foi o primeiro dos 16 días de festas que agardan aos composteláns e visitantes, con máis de 20 de actuacións musicais e multitude de actividades.

As Festas do Apóstolo 2010 comezan este venres coa habitual lectura do pregón de inicio de festas. Este ano, a velada comezará ás 21:30 horas, con vídeos musicais e a actuación, ás 22:00 horas, do grupo vigués Martynez.

O concelleiro de Festas, Xosé Baqueiro, presentou o programa de festas do Apóstolo 2010. En pleno Ano Santo, as festas da cidade preséntanse con 16 días (16-31 de xullo) "cheos de grandes actuacións e concertos en diferentes escenarios da cidade, como a praza do Obradoiro, Quintana, Toural e Alameda", apuntou.